e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Frauenberg Frauenberg, von  Frauenberg, Heinrich von † 1314 u pli baud. Davos descendent masculin dals signurs de F. Suenter il 1284 è el menz. repetidamain sco sigillader e partenari d'allianza, tr.a. da l'uvestg da Cuira. Enturn la fin dals onns 1280 ha F. participà da la vart da l'uv. Friedrich I von Montfort a la lunga faida da l'avat da S. Gagl, Wilhelm von Montfort, cunter ils Habsburgais ed ils de Werdenberg. Intgins onns pli tard è el entrà en servetsch dal retg Adolf von Nassau, antagonist disfortunà dad Albrecht von Habsburg, subind il 1297 ina sconfitta en sia suita a la Battaglia da Göllheim. Il 1298 ha el escortà il retg Adolf von Nassau en la Battaglia da Gelnhausen. Trubadur enconuschent. Autur da tschintg chanzuns d'amur, doc. en la «Grosse Heidelberger Liederhandschrift» (Codex Manesse) che cuntegna era illustraziuns da F. sco cumbattant victorius a l'occasiun da turniers.</p> Archiv: Ovras: Funtaunas: Litteratura: Deutsches Literatur-Lexikon, fundà da W. Kosch, 7, 1979<sup>3</sup>, 719; Clavadetscher/Meyer, Burgenbuch, 41, 88. Adolf Collenberg  Frauenberg Frauenberg, von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: