e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Baldirun, Alois Balletta, Glienard  Balletta, Alexander * 17-8-1842 a Bologna, † 12-3-1887 a Cuira, cat., da Breil. Figl da Giacun Luis, colonel en servetsch papal, e da Giovanna n. Arosio, da Milaun. Nubil. Oriund d'ina fam. d'influenza regiunala, ha B. vivì fin il 1854 en l'Italia. Scola claustrala a Mustér 1854-56 e Scola chant. a Cuira 1856-63, alura stud.iur. a Losanna, Minca, Heidelberg e Turitg. Sco politicher lib. n'ha B. gì nagin success en la Surselva cons., cumbain ch'el è vegnì elegì president com. da Breil il 1867. Il 1870 è el sa domicilià a Cuira. Il 1874 ha el terminà, per motivs da sanadad, sia carriera da funcziunari. Alura ha el occupà mo pli uffizis politics pli pitschens. Activ sco translatur, schurnalist e redactur, ha B. gì ina impurtanza spez. sco autur da tractads e da novellas en lingua rum. (tr.a. «Ina sempla historia»; «Errur e reconciliaziun»; «Bien di, bien onn, dei biemaun») e sco collavuratur da revistas enconuschentas da la Svizra tud. e rumantscha.<br /> </p> Archiv: Ovras: Funtaunas: Litteratura: Bezzola, Litteratura, 302, ann. 37; 303, ann. 38; 342 s.; Deplazes, Funtaunas 3, 233-35. Lucia Walther  Baldirun, Alois Balletta, Glienard  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: