e-LIR / Lexicon
Assistenza e-LIR
Contact
Publicaziuns
Links
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Däscher, Andreas
* 9-6-1927 a Clavadel (vischn. da Tavau), ref., da Luzein. Figl da Hans, stradin, e dad Ursina n. D. ∞ Nerina n. Mottolini, da naziunalitad taliana. Montader da stgaudaments cun in'atgna fatschenta a Meilen/ZH. Siglider cun skis a partir dal 1943. D. è stà l'emprim a siglir il 1950 en ina cumpetiziun internaz. cun la bratscha tegnida enavos cunter las chommas. Quest "stil da pesch", scumandà per in lung temp en cumpetiziuns, sa basava sin experiments da Reinhard Straumann dal 1926 e permetteva, grazia ad ina reducziun da la resistenza da l'aria, da siglir pli lunsch. Fin il 1950 han ils sigliders applitgà la tecnica cun bratscha schladada. D. è daventà nov giadas campiun svizzer ed ha participà quatter giadas a gieus olimpics (6. rang il 1956).
Litteratura:
K. Erb, Sport-Hits 1948-1952, 1981, 424 s.
Thomas Gmür
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :
|
|
Darms, Johann Israel