Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Dietas da las Trais LiasDigg lemma sequent

Dietrichstein, von
Schlatta nobla da la Carinzia, attestada per l'emprima giada enturn l'onn 1000. Ils D. èn daventads conts il 1612, e dus roms èn vegnids elevads a la dignitad da prinzis imperials il 1624 resp. il 1631. Il 1687 ha l'imp. Leopold I cedì il signuradi da Tarasp en l'Engiadina Bassa als prinzis da D. sco feud imperial ereditar. Essend la suveranitad militara e fiscala restada en possess da l'Austria, represchentava quella la vusch dals D. en il cirquit da l'Imperi austriac. Ils D. residiavan en lur chastè da Nikolsburg en la Moravia e sa laschavan substituir a Tarasp tras in chastellan. Cun il Recess da la Dieta imperiala dal 1803 èn passads il chastè ed il signuradi da Tarasp al chantun Grischun. Ils D. han obtegnì en cumpensaziun il signuradi da Neuravensburg che appartegneva avant a la prinzi-abazia da S. Gagl.


Litteratura:
NDB 3, 700-02; I. Müller, Die Herren von Tarasp, 1980, 142-50.

Paul Eugen Grimm

lemma precedents Dietas da las Trais LiasDigg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :