Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Balzer, MathiasBalzer, Simon lemma sequent

Balzer, Peter Joseph
* 30-8-1868 a Cuira, † 8-11-1950 a Cuira, ref., d'Alvagni. Figl da Johann Paul ed Anna n. Urban, da la Boemia. ∞ Ottilie n. Spiess, figlia d'ina ritga famiglia tud. emigrada en Russia. Scola chant. a Cuira (partiziun mercantila), alura emprendissadi da banca, commerziant. Emigraziun en Russia 1889, viadis en Sibiria. Domicilià a Moscau, S. Petersburg, Wilna e Charkow a partir dal 1891. Directur ed inspectur da banca. Il 1914 è B. vegnì suspectà da spiunadi ed è vegnì mess en fermanza per dus mais a S. Petersburg. Il 1917 han ils revoluziunaris privà el da tut ils bains (valur: ca. 1 miu. frs). Il 1921 è B. fugì en Svizra, nua ch'el ha lavurà tar la Banca Chantunala Grischuna a Cuira fin il 1940. El ha relaschà notizias interessantas da ses temp en Russia e da la revoluziun bolschevica.


Archiv:
UZH, Russlandschweizer-Archiv, ms.

Ovras:
Eine Episode aus meinen Erlebnissen in Russland, edì da J. Michael, en: BM, 1958, 297-340 (cun biogr.).

Litteratura:
Bühler, Bündner im Russischen Reich, 316.

Adolf Collenberg

lemma precedents Balzer, MathiasBalzer, Simon lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :