e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Federspiel, Ulrich von Feldkirch  Federspiel, [von] Schlatta grischuna da ministerials e portascuts da Domat, attestada per l'emprima giada il 1283 cun Heinrich von Väderspill sco perditga en in doc. da l'avat da Mustér. La cuntinuitad genealogica dal temp medieval fin il 1650 n'è betg cumprovabla (perdita dals cudeschs da baselgia da Domat tras l'incendi dal vitg dal 1776). La lingia attestada cumenza cun Pankraz von F., mastral dal signuradi da Razén 1650-70. Comm. da la fam. han occupà auts uffizis ecclesiastics e seculars en il 17.-19. tsch.: Ulrich, il biadi da Pankraz, è daventà il 1692 prinzi-uvestg da Cuira. El ha instituì ses frar Luzius Rudolf (1660-1744) sco chastellan sin la Fürstenburg e sco administratur dal signuradi dal Vnuost. Il 1702 ha l'imp. Leopold I nominà Luzius Rudolf barun von F. zu Lichtenegg a Damal. Il figl da quel, Johann Baptist Anton, è stà dal 1755-77 prinzi-uvestg da Cuira. Numerusas figlias da la fam. F. eran maridadas cun mastrals e derschaders. La lingia dals baruns è morta ora enturn il 1850. La fam. F., represchentada oz cun numerusas lingias, è domiciliada surtut a Domat. Litteratura: BT, 19 e 21-1-1963; Simmen, Wappen, 144-50. Roman Bühler  Federspiel, Ulrich von Feldkirch  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: