Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Frauenberg, Heinrich vonFravi lemma sequent

Frauenberg, von
Schlatta da l'auta noblezza da la Rezia Sura, residenta en il 13. ed a l'entsch. dal 14. tsch. en la fortezza dal medem num sper Ruschein. Sco ils de Friberg eran era ils de F. prob. in rom dals signurs de Sagogn ch'era sa furmà enturn il 1250 en consequenza d'ina partiziun d'ierta. L'emprim represchentant enconuschent da la fam. è Heinrich (menz. il 1257-66) che correspunda prob. a Heinrich de Sagogn, attestà il 1251 ens. cun ses frar Friedrich de Friberg. En ils onns sequents cumparan omadus pliras giadas ens. sco perditgas. La fam. possedeva era il chastè da Favugn ed ils dretgs ecclesiastics respectivs, ultra da quai bains e dretgs a Luzein, Castrisch e Falera. Heinrich, il trubadur, ha persequità senza grond success ina politica proepiscopala ed antihabsburgaisa. La posiziun occupada da Heinrich ha prob. intimà la fam. da transferir sia residenza da la Surselva sin la fortezza da Gutenberg sper Balzers/FL. Suenter la mort da Heinrich il 1314 han ses anteriurs adversaris (l'Austria ed ils Werdenbergs) partì tr. els ils bains da fam. ch'els avevan acquistà da sias figlias Katharina e Margaretha; la fortezza da Gutenberg è passada a l'Austria, Favugn ed ils possess en Surselva als Werdenberg-Heiligenbergs.



Litteratura:
A. Mooser, Burg F., en: BM, 1927, 25-41; J.L. Muraro, Untersuchungen zur Genealogie der Freiherren von Wildenberg und von F., en: Churrätisches und st. gallisches Mittelalter, edì da H. Maurer, 1984, 67-89; Simmen, Wappen 243, 255.

Martin Leonhard

lemma precedents Frauenberg, Heinrich vonFravi lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :