e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Greifenstein Greina  Greifenstein, von Schlatta grischuna d'auta noblezza dal 13. tsch., proprietaria dal chastè da G. a Filisur. La fam. derivava prob. d'ina lingia dals nobels de Sagogn, da la quala ella è sa separada enturn il 1200. Lioms pli stretgs cun ils conts de G. sesents en il Tirol dal Sid (extinguids il 1166), n'èn percunter betg attestads. La fam. possedeva bains e dretgs a Filisur, Bravuogn, Latsch e Stugl. Rudolf, l'emprim exponent enconuschent da la fam., prob. identic cun Rudolf de Sagogn menz. il 1210, è stà decisivamain implitgà en l'assassinat da l'uv. Berthold I da Cuira en vischinanza da Rueun (1233). Per chasti ha il papa obligà el da participar ad ina cruschada, quai ch'el ha alura apparentamain era fatg il 1237 sut la smanatscha da vegnir excommunitgà. Heinrich ed Albert, pli prob. ils figls da Rudolf, cumparan il 1243 sco perditgas d'in transfer da bains da Vaz a la claustra da Salem. A partir dal 1252 ha Heinrich prob. proseguì la lingia cun il num von Wildenberg (doc. fin il 1265). Pauc avant il 1300 residiava in uffiziant dals Wildenbergs sin il chastè da G. Il 1319 ha Anna von Wildenberg, prob. la biadia da Heinrich, impegnà il chastè ens. cun ses consort Hugo von Werdenberg al chapitel catedral da Cuira. Litteratura: Clavadetscher/Meyer, Burgenbuch, 64 s.; J.L. Muraro, Untersuchungen zur Genealogie der Freiherren von Wildenberg und von Frauenberg, en: Churrätisches und st. gallisches Mittelalter, edì da H. Maurer, 1984, 67-89. Martin Leonhard  Greifenstein Greina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: