e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gredig, Lorenz Greifenstein, von  Greifenstein Domini, cumin e dretgira auta en la Val d'Alvra, numnads suenter il chastè da G. en vischinanza da Filisur. 1233 Grifenstein. Il chastè da G., erigì en il 12. tsch., furmava il center dal domini cun il medem num e cumpigliava las vischnancas da Filisur, Bravuogn, Latsch e Stugl. Il 1394 è il chastè passà dals signurs de Wildenberg, Werdenberg e Matsch a l'uvestg da Cuira ch'ha fatg da quel il center administrativ da la regiun. Il 1537 han las vischnancas da la dretgira da G. (numnada era dretgira da Belfort) cumprà ora ils dretgs signurils episcopals. Singuls libers da la LCD, suttamess a G., avdavan en l'uschen. Quarta exteriura (Lantsch, Surava e Brinzauls) che furmava ina part da la dretgira da Belfort. Savens haja dà conflicts pervia dals dretgs e duairs da quests vischins exteriurs. A la dretgira auta da G. appartegneva, ultra da G., era il cumin da Vaz cun ils vischinadis da Vaz, Stierva e Mut. Il 1851 furmava G. ens. cun Tain il cirq. da Bravuogn. Vaz è vegnì integrà en il cirq. d'Alvaschagn (omadus district d'Alvra). Litteratura: Schmid, Graubünden, 166 s.; Clavadetscher/Meyer, Burgenbuch, 63-65; Simmen, Wappen, 290 s. Jürg Simonett  Gredig, Lorenz Greifenstein, von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: