Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FraviFriaul lemma sequent

Freie Rätier, Der
Gasetta dal di fundada il 1868 a Cuira sco successura da la «Bündner Volkszeitung». Il 1892 ha il possessur, editur e redactur Florian Gengel vendì la gasetta a las fam. Manatschal ed Ebner ch'han integrà la «Bündner Nachrichten» en il F. Il F. è alura daventà l'organ uffizial dals Liberals grischuns. Fin il 1897 sa numnava questa gasetta «Der freie Rhätier», alura «Der freie Rätier», a partir dal 1944 «Der Freie Rätier», cun il suttitel «Bündnerische Volkszeitung und demokratisches Organ für die Ostschweiz», a partir dal 1948 «Freisinnige Tageszeitung für Graubünden». Il svilup da la PLD dal Grischun sa reflectescha a partir dal 1960 en ina diminuziun dal dumber d'ediziun dal F. Difficultads finanzialas han sfurzà il F. il 1971 a collavurar sin il champ da l'ediziun cun il «Bündner Tagblatt». Il 1974 è cumparì il davos F. en in'ediziun da 12'300 exemplars (incl. il «Bündner Tagblatt»). Il 1975 è il F. vegnì integrà en la «Bündner Zeitung» nov fundada.


Litteratura:
F. Blaser, Bibliographie der Schweizer Presse mit Einschluss des Fürstentums Liechtenstein 2, 1958, 850; FR, 31-12-1974; Foppa, Deutschsprachige Presse, 23-32, 71.

Ernst Bollinger

lemma precedents FraviFriaul lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :