e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Furger, Franz Furlan  Furlait Taxa da transport incassada oriundamain da l'escorta armada che accumpagnava ils martgadants sur ils pass alpins, tud. Fuhrleite. Cun il passadi dal monopol da transport als ports locals (14./15. tsch.) è il furlait daventà la taxa ch'ils berniers d'express avevan da pajar per utilisar las vias ed ils pass. Ils ports impundevan questas entradas per meglierar las vias. Per l'incassament dal furlait e d'autras taxas procuravan distributurs en las sustas; a la Via Sut (Spleia, S. Bernardin) eran quai incassaders spezials (tud. Fürleiter). A partir dal 1820 ha il chantun Grischun surpiglià l'incassament dal dazi e dal furlait, tr.a. per amplifitgar e mantegnair las vias da pass. Litteratura: R. Domenig, Zur Geschichte der Kommerzialstrassen in Graubünden, 1919, 56-60, 165-70; DRG 6, 755; Bundi, Besiedlung, 615-24. Jürg Simonett  Furger, Franz Furlan  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: