e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Grischun medieval, Il Gritti [Griti], Johann Luzi [Joan Lüzi]  Grischunia Questa noziun cumpara per l'emprima giada en la «Chianzun dalla guerra dalg Chiaste da Müs» da Gian Travers, scritta il 1527. Cun la bella Grischunia designescha el l'armada grischuna entrada en Vuclina ed a Clavenna. Il term cumpigliava dentant, confurm al senn, l'entira populaziun grischuna. En quest senn pli vast vegnivan duvradas pli tard era las furmas Grischunaria e Grischunanza. Las guerras e conquistas manadas cuminaivlamain da las trais Lias avevan rinforzà il sentiment d'identitad. In punct culminant è stà l'engirament dal patg fed. dal 1524. Ils nums Grischs u Grischuns sa manifesteschan dentant gia en il 16. tsch. sper G., e suenter Travers cumpara la noziun G. strusch pli en la litteratura. Litteratura: Bezzola, Litteratura, 156-62; DRG 7, 829-32. Martin Bundi  Grischun medieval, Il Gritti [Griti], Johann Luzi [Joan Lüzi]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: