e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Trin Trin Mulin  Trin, Fuorcla Impurtanta colliaziun istorica tr. la Val dal Rain e la regiun da Sardona (Val Calfaisa) che s'extenda da Bargis sur la Val Sax, la Fuorcla T., Sardona e Calfaisa a Vetten. Il 1261 èn l'avugadia sur la claustra da Faveras e la part interna da las vals Calfaisa e Sardona idas dals conts de Sax als signurs de Wildenberg-Sagogn. Per rinforzar lur pussanza sur e sut il guaud da Flem han ils Wildenbergs promovì l'urbarisaziun dad omaduas varts da la Fuorcla T. Els han prob. colonisà la Val Calfaisa cun Gualsers avant lur extincziun il 1304. Quai po dentant era esser capità tras ils signurs de Razén ch'avevan cumprà il 1282 las alps da Sardona da la claustra da Mustér. La Fuorcla T. è in punct central dal moviment colonisatoric dal sid vers il nord en il temp autmedieval ed en il temp medieval tardiv. Litteratura: H. Erni, Historia dil signuradi de T. e della vischnaunca de T., 1913; Bundi, Besiedlung. Adolf Collenberg  Trin Trin Mulin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: