Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Juvalt, Ulrich vonJuvalta, Fortunat von lemma sequent

Juvalta
Cun il num J. vegnan designadas las ruinas da las fortezzas da Hochjuvalt ed Innerjuvalt, construidas dals signurs von J. en il territori da la vischnanca da Giuvaulta.

Hochjuvalt


Situā sin in sparun grippus stretg e spundiv, era il chastč da Hochjuvalt (savens numnā faussamain Niederjuvalt) dividė en duas parts: l'areal da defensiun inferiur cun la fortezza externa, situada a la riva dal Rain Posteriur, e quel superiur cun l'implant principal. Da quest ultim existan restanzas da la tur principala da tschintg plauns, d'in edifizi annex, dals foss e paucs fastizs dal mir da tschinta. La zona d'entrada č per gronda part vegnida destruida e la veglia via d'access č cuverta da glera. Da la fortezza externa č sa mantegnida sulettamain ina part dal mir, donnegiā durant la construcziun da la via. Hochjuvalt č vegnė erigė prob. en il 12. tsch. sco sedia dals signurs von J. En possess da l'uvestg da Cuira il 1352, č il chastč vegnė impegnā pliras giadas en il decurs dal 15. tschientaner. Donnegiā probablamain il 1451 en la Faida da Schons, č el vegnė bandunā enturn il 1500 ed č menziunā gia enturn il 1550 sco ruina.

Innerjuvalt

Situā sin in sparun grippus a l'ost da Giuvaulta, a l'entrada en la Tumleastga, era il chastč dad Innerjuvalt (savens numnā faussamain Oberjuvalt u Hochjuvault) dividė en ina part superiura ed ina inferiura. En l'areal superiur avevan ins erigė l'emprim (ca. 1250) ina residenza signurila a dus plauns, a la quala čn vegnids agiuntads pli tard la tur principala e l'edifizi d'abitar meridiunal. Ina cisterna ed in furn eran circumdads d'in mir da tschinta extern. En l'areal inferiur sa chattavan ulteriurs edifizis d'abitar e d'economia. Retschertgas archeologicas (1980, 1982, 1990) han furnė indicaziuns impurtantas davart l'istorgia da las construcziuns ed han purtā a la glisch pitschens chats da gronda valur. Erigė dals signurs von J. probablamain enturn il 1250, č Innerjuvalt vegnė bandunā pauc suenter il 1500 ed era il 1550 gia en ruina.


Litteratura:
Clavadetscher/Meyer, Burgenbuch, 127-32; U. Clavadetscher, M. Janosa, Die Burgruine Innerjuvalt bei Rothenbrunnen, en: ArGR, 1992, 314-20.

Maria-Letizia Boscardin

lemma precedents Juvalt, Ulrich vonJuvalta, Fortunat von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :