Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Golasecca, Cultura daGoswin von Marienberg lemma sequent

Gonda
Anteriura fracz. da la vischn. da Lavin, situada a 1500 m tr. Lavin e Guarda a la veglia via rom. e medievala. Attestada per l'emprima giada enturn il 1160 sco culegna. Ils possessurs da terren ils pli impurtants a G. eran en il temp medieval ils chastellans von Matsch e l'uvestg da Cuira. Il 1545 è G. doc. sco fracziun da Lavin, daventada victima d'in grond incendi il 1573. Devastaziun e sblundregiada tras las truppas austr. dad Alois Baldirun (1621-23) ch'han prob. accelerà la decadenza da G. En sia «Einfalte Delineation aller Gemeinden gemeiner dreyen Bünden» (1742) descriva Nicolin Sererhard "Ganda" sco "Nachbarschäftlin" da Lavin, in abitadi gia daditg bandunà e nunabità. Las exchavaziuns interprendidas dapi il 1983, promovidas e per part era finanziadas da la Fundaziun Pro Gonda/Lavin, han purtà a la glisch las ruinas da diesch chasas e quella da la baselgia dal 13. tsch., consecrada als ss. Baltramieu e Flurin.


Litteratura:
Flur da Riva, G., en: Chal. ladin, 1960, 64; U. Clavadetscher, M. Janosa, Die Wüstung G. bei Lavin, en: ArGR, 378-83; LQ, 28-3-2004; G. Gaudenz, Ün documaint retschertgà dal 1545 es gnü a la glüm: Lavin e G., en: Annalas, 120/2007, 211-57.

Adolf Collenberg

lemma precedents Golasecca, Cultura daGoswin von Marienberg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :