e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gilly [Gilli], Clementina Gion da Farglix  Gioiero, Giovanni Antonio * enturn il 1570 a Castaneda, † 16-9-1624 a Castione (oz vischn. d'Arbedo-Castione/TI). G. ha studegià prob. al Collegium Helveticum a Milaun ed è alura stà mastral en la Val Calanca 1606-20 e podestat da Murbegn 1617-19. Il 1608 ha papa Paul V nominà el chavalier pontifical. Sco manader da la partida cat. prospagnola en il Mesauc è el vegnì condemnà a mort da la dretgira nauscha da Tusaun il 1618. El è alura fugì a Castione, nua ch'el ha organisà bandas armadas, cun las qualas el è marschà vers Cuira. Il 1621 è el sa rendì a Milaun cun la mira da cuntanscher la restituziun da la Vuclina al Grischun. G. è vegnì tissientà. Litteratura: A. Bertossa, Storia della Calanca, 1937, 176-83; C. Santi, Come morì e dove fu sepolto il Cavalier Giovanni Antonio G. di Castaneda, en: Voce delle Valli, 1-9-1983; A. Pfister, Jörg Jenatsch, sein Leben und seine Zeit, 19915, 75-79, 103-07, 111-15. Cesare Santi  Gilly [Gilli], Clementina Gion da Farglix  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: