e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Grass, Hans * 18-10-1855 (Johann) a Puntraschigna, † 14-4-1929 a Puntraschigna, ref., da Claustra-Serneus. Figl da Christian, guid da muntogna, e da Cathrina n. Nadig, d'Aschera. ∞ Elsbeth n. Disch, d'Aschera. Descendent da la pli famusa dinastia da guids da muntogna dal Grischun (quatter generaziuns). Ses aug Hans è stà in piunier da l'emprima generaziun, G. sez il piunier principal da l'alpinissem pratitgà en il massiv dal Bernina, dal qual el ha ascendì sco emprim plirs pizs. Dasperas ha el era explorà div. autras regiuns ed ascendì tr.a. la guglia dal Kesch, tut en tut 15 primascensiuns e numerus emprims trapass, p.ex. il fil dal Piz Alv al Bernina. Litteratura: C. Egger, Pioniere der Alpen, 1946, 212-24; H. Philipp, R. Matossi, Bündner Bergführer, 1996, 86-88 (cun geneal. e fotogr.).
Adolf Collenberg
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|