Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bardola, JonBart, Guglielm lemma sequent

Bärenburg [Balamburtg], von
Famiglia da chavaliers da la Rezia Sura dal 13.-15. tschientaner. Prob. ministerials dals baruns de Vaz, possessurs da feuds episcopals, surtut suenter l'extincziun da quels il 1337/38. Lur chastè è vegnì destruì il 1451 en la Faida da Schons. Il 1257 èn attestads per l'emprima giada ils frars Konrad (fin il 1296) e Bartholomäus (fin il 1290/98), alura Simon (1299-1337) e ses frar Bartholomäus (1308 - ca. 1325), a partir dal 1369 Bertram (fin il 1395). La sora da quel, Agnes, è stada la mamma da Hans e da Jakob Abys ch'han obtegnì il 1395 ils feuds episcopals en la Tumleastga, bandunads dals B. A la fin dal 14. tsch. han ins tegnì ina messa perpetna per Agnes en la claustra da Cazas. Il 1424 è menz. Simon, il figl da Bertram, prob. il davos represchentant da la famiglia.


Litteratura:
GHS 2, 19 s. (cun tav. geneal.); Clavadetscher/Meyer, Burgenbuch, 167 s.

Jürg Leonhard Muraro

lemma precedents Bardola, JonBart, Guglielm lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: