Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Gustloff, WilhelmHabsburg, von lemma sequent

Haas, Peter
* 3-12-1933 a Cuira, cat., da Domat. Figl da Peter, seller, e da Katharina n. Hürlimann, da Walchwil/ZG. ∞ Rosa n. Chresta, da Domat. Laborant da chemia fin il 1978. Caricaturist autodidactic. Admiratur dal cartoonists franz. Chaval (Yvan Francis Le Louarn) e Jean-Jacques Sempé. El ha realisà ses emprims cartoons per il «Nebelspalter» (1961); la recepziun d'intgins da quels en la collecziun «The Greatest Cartoons of the World» (ca. 1975) ha francà ses renum e permess ad el da lavurar a temp cumplain sco caricaturist, dissegnader da maletgs animads (p.ex. «Il salep e la furmicla», film, 1980; «Invasion vom Planet Kar», 1990) e da comics (p.ex. «Istorgia dals Rumantschs», 2 ts, 1987-90, texts: Felix Giger; «He Gilbert», 2000; «Herbi e Fred», 2007) e sco graficher da reclama (seria da placats per la «Bündner Zeitung» en ils onns 1990). Div. exposiziuns internaz.; retrospectiva da sia ovra a Domat (2003). Premi da renconuschientscha dal chantun Grischun 2002.


Litteratura:
LQ, 13-11-2002; BüWo, 26-11-2003.

Adolf Collenberg

lemma precedents Gustloff, WilhelmHabsburg, von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :