e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Habsburg, von Hager, Karl  Hackaert, Jan ≈ 30-1-1628 (Janszoon) ad Amsterdam, † pauc temp suenter il 1685 ad Amsterdam (?), ref., Ollandais. Figl da Jan, commerziant. H. è stà activ sco pictur da cuntradas ad Amsterdam ed ha realisà var 200 maletgs tr. il 1657 ed il 1685. Per incumbensa da la Cumpagnia ollandaisa da las Indias Orientalas è H. sa rendì il 1655 sin in viadi tras las Alps ch'ha manà el da Turitg via Nossadunnaun, Glaruna e Sargans en las regiuns dal Rain Anteriur e Posteriur. Sia finamira era quella da preschentar la via al Pass dal Spleia a moda natiralistica. Ils 43 dissegns topografics mantegnids - per gronda part en format grond - èn ovras da nivel europeic. Enturn il 1660 ha el realisà ina vista ideala dal Lai da Turitg, exemplarica per la pictura dal 17. tschientaner. Litteratura: B. Weber, Graubünden in alten Ansichten, 1984, 62, 75-82, 129-34; BLSK, 450 s. Bruno Weber  Habsburg, von Hager, Karl  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: