e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Häsler, Georg Hegar, Friedrich  Hauri, Johannes * 5-9-1848 a Brugg/AG, † 3-5-1919 a Riehen/BS, prot., da Hirschthal/AG. Figl da Johann Rudolf, plevon. ∞ Luise n. Feer. Studis da teologia e scienzas natiralas a Basilea. Malsogna dal lom. Examen en teologia 1873. Plevon a Tavau Vitg 1874-76, pastoraziun dals curants dal lieu 1876-93. Decan da la Sinoda grischuna 1893-1900. Pres. dal Cussegl da baselgia dal Grischun 1894-1902. H. è stà in dals teologs ils pli impurtants dal Grischun ed ina persuna da referiment centrala per dumondas spiritualas e culturalas a Tavau, lieu da cura en svilup. Autur da publicaziuns teologicas ed istoricas e da tractats davart la scienza natirala. Entomolog e sco tal pres. da la Societad svizra per la perscrutaziun da la natira (1890). Dr.teol. h.c. da l'Univ. da Basilea 1901. Ovras: Der Islam in seinem Einfluss auf das Leben seiner Bekenner, 1880; Das Christentum der Urgemeinde und das der Neuzeit, 1901; Die Gross-Schmetterlinge in Davos, 1918. Litteratura: Verhandlungen der Schweizerischen Naturforschenden Gesellschaft, 1920, 54-56 (cun reg. d'ovras); Truog, Evangelische Pfarrer, 1934, 57; M. Pfister, Davoser Persönlichkeiten, 1981, 26 s.; P. Aerne, Eine Überflutung von Ragaz?, en: BM, 2004, 339-82 (cun fotogr.) . Peter Bollier  Häsler, Georg Hegar, Friedrich  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: