Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Hauri, JohannesHeidi lemma sequent

Hegar, Friedrich
* 11-10-1841 (Eduard Ernst Friedrich) a Basilea, † 2-6-1927 a Turitg, ref., da Basilea, a partir dal 1885 da Turitg. Figl dad Ernst Friedrich, magister da musica e commerziant da musicalias ed instruments. ∞ 1) 1870 Susanna Albertina n. Volkart, 2) 1896 Karoline Julie n. Bolley. Studi da musica (violina) al Conservatori da Lipsia 1857-60, directur ed emprim schefdirigent (fin il 1906) da l'orchester da la Tonhalle da Turitg, fundà il 1868. President da l'Associaziun da musicists svizzers, fundada dad el il 1900. H. è stà in dals cumponists e dirigents ospitants ils pli dumandads en tut l'Europa. Famus era a ses temp ses oratori «Manasse» (op. 16). L'impurtanza da la lavur cumpositorica da H. consista dentant en sias balladas per chors virils, cun las qualas el ha avert vias dal tuttafatg novas al chant choral. Pliras da sias chanzuns han gì in grond esit tar ils chors rum., p.ex. «Las duas fossas» (versiun rum. dad Alfons Maissen) e «La Selva sededesta» (versiun rum. da Carli Fry). Dr.fil. h.c. da l'Univ. da Turitg 1889.


Ovras:
BMVR, nrs 1832-41; Friedrich H.: sein Leben und Wirken in Briefen, edì ed elav. da F. Müller, 1987.

Litteratura:
W. Jerg, H., ein Meister des Männerchorliedes, 1946; Die Musik in Geschichte und Gegenwart, part da persunas 8, 2002², 1147-50 (reg. cumplet da las cump.).

Regula Puskás

lemma precedents Hauri, JohannesHeidi lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :