e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Held, Leonz Henni, Johann Martin  Hendry, Ludivic [Vic] * 18-8-1920 a Cavorgia (vischn. da Tujetsch), cat., da Tujetsch. Figl da Giachen Martin, pur, e da Barla Catrina n. Peder, da Selva. ∞ Zaria n. Venzin, da Sedrun. Seminari scolastic a Cuira, magister a Selva e Camischolas, alura studi da magister secundar a Turitg, Milaun e Friburg, magister secundar a Sedrun e Schaffusa (1960-85). Autur d'ina ovra litterara voluminusa. H. ha publitgà ses emprims raquints èn la revista «Il Pelegrin». Il 1957 è suandada sia emprima collecziun da raquints pli gronda («Tia veglia daventi»). A sia prosa narrativa appartegnan il diari «Discuors cugl assassin» (1970, tud. «Gespräch mit dem Mörder»), scrit suenter ina dimora voluntara en praschun, e las istorgias curtas (reportaschas socialas) «En schurnada» (1983). En sia ovra litterara è H. s'occupà savens da dumondas socialas e psicologicas. Numerusas da sias ovras èn deditgadas a temas istorics, p.ex. «Ils Saracens vegnan» (1974). Dapi il 1990 publitgescha H. era poesias: «Paun cucu» (1991); «Auras» (1995, tud. «Windzüge»); «Allegher e pietigot» (2003). Dasperas ha el realisà numerusas biografias e translaziuns. Premi grischun da cultura 2001. Archiv: ASGR, relasch. Litteratura: Bezzola, Litteratura, 578-84; Deplazes, Funtaunas 4; Deplazes, Die Rätoromanen. Lucia Walther  Held, Leonz Henni, Johann Martin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: