Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Henni, Johann MartinHerold, Hermann lemma sequent

Hennings, Friedrich
* 15-12-1838 a Kiel, † 2-2-1922 a Biebrich am Rhein (oz Wiesbaden), prot., da Kiel. Diplom d'inschigner da construcziun al Politecnicum fed. a Turitg 1861. Collavuratur a la construcziun da la lingia da viafier Turitg-Zug-Lucerna, studis preliminars per la Viafier dal Gottard 1864-65, participà a la construcziun da viafiers en il Württemberg ed en l'Austria, inschigner da secziun per la construcziun da la Viafier dal Gottard a Faido 1879-83, inschigner superiur per la construcziun da la Viafier da l'Alvra 1898-1905. Professer per la construcziun da vias e viafiers al Politecnicum fed. (a partir dal 1911 SPF) a Turitg 1903-21. Il 1905 ha H. elavurà il project general da la lingia da viafier Bever-Scuol. El è stà responsabel per la construcziun da las viafiers las pli difficilas da quel temp en las muntognas svizras. Ses projects sa distinguan tras in studi particularmain exact da las relaziuns topograficas, geologicas e climaticas da la cuntrada. Dr.h.c. da l'Univ. da Turitg 1905.


Litteratura:
G. Bener, Ehrentafel bündnerischer Ingenieure und Ingenieurwerke, 1927, 53-57; Deutsche Biographische Enzyklopädie 4, 2001, 593 s.

Jürg Conzett

lemma precedents Henni, Johann MartinHerold, Hermann lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :