Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Balcun At/AutBaldirun, Alois lemma sequent

Baldenstein
Chastè a Seglias sin in grip al sidost da la confluenza da l'Alvra e dal Rain Posteriur. Il chastè vegn cunfinà al nord d'in precipizi, da las autras varts d'in foss sitg. Il stadi actual da B. correspunda a la reconstrucziun suenter l'incendi dal 1877. Curtins e terrassas dal temp modern han midà fermamain la topografia medievala. La tur principala rectangulara datescha da l'emprima mesadad dal 13. tsch., il fundament dal tract d'abitar al vest evtl. anc dal temp medieval tardiv. Ils ulteriurs edifizis derivan dal 16.-17. tsch. (elements neogotics, mobigliar prezius). Il 1246 ed il 1252 vegn menz. in Ebo de B. Il 1289 era il chastè da B. en possess dals signurs de Löwenstein. Suenter pliras midadas da maun (tr.a. vom Stein, Rinck von B.) è B. passà il 1782 a la fam. Conrad von B., oz è il chastè ina fundaziun da famiglia.


Litteratura:
Clavadetscher/Meyer, Burgenbuch, 132-34.

Maria-Letizia Boscardin

lemma precedents Balcun At/AutBaldirun, Alois lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :