Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Hewen, Heinrich vonHIGA lemma sequent

Hewen, von
Schlatta da baruns attestada tr. il 11. ed il 16. tsch., numnada tenor il chastè da Hohenhewen en vischinanza dad Engen en il Hegau. Ils H., oriundamain signurs von Engen (doc. a partir dal 1050), han adoptà, suenter la construcziun dal chastè da fam., il nov num da H. (doc. a partir dal 1174). Il coc dal signuradi da H. cumpigliava la citad dad Engen e las vischnancas limitrofas. I n'è betg enconuschent, schebain igl han existì relaziuns pli stretgas tr. ils signurs von H., ils Zähringens ed ils Staufens. Il 1291 è Rudolf von H. daventà vasal da la Chasa da Habsburg, a la quala el ha servì sco derschader da la curt (1313) e mess dal retg (1322). Enturn il 1365 ha la fam. H. acquistà il signuradi da Griesenberg en la Turgovia ed il 1428 quel da Crap S. Barcazi en il Grischun. Il chastè è ars giu il 1470 e n'è apparentamain betg pli vegnì reconstruì. Il 1498-1517 ha la fam. H. possess parts dal signuradi da Werdenberg en la Val dal Rain Anteriur. Ella è s'extinguida il 1570 cun Albert Arbogast.


Litteratura:
W. Sandermann, Die Herren von H. und ihre Herrschaft, 1956; Engen im Hegau, edì da H. Berner, 3 ts, 1983-2000; Clavadetscher/Meyer, Burgenbuch, 188; T. Gut, Hohenhewen, 2001.

Hiroto Oka

lemma precedents Hewen, Heinrich vonHIGA lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :