Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents HerrnhuteransHewen, Heinrich von lemma sequent

Hewen, Heinrich von
Attestà per l'emprima giada il 1472, † 1519/20 a Strassburg, da Turitg (1480). Figl dal barun Friedrich. Nev da Heinrich. Sco canoni da Constanza ha H. studegià a Friburg e.Br. il 1472. Custodi dal chapitel catedral da Strassburg 1478-91 e da quel da Constanza 1484-85, dal qual el è stà decan dal 1485-91. Canoni a Cuira, alura uvestg 1491-1505. En ils onns 1491-92 ha H. decretà novs statuts sinodals. El ha gì conflicts cun la citad da Cuira pervia da la chastellania imperiala. S'engaschond per la pasch, ma oscillond tr. l'Austria, l'Imperi e las Trais Lias, è el vegnì exilià da Maximilian I, accusà dals Grischuns da tradiment da la patria e bandischà da l'uvestgieu durant la Guerra svabaisa (1499). A Cuira è vegnida instituida ina regenza ecclesiastica (provisorica). Turnà per in curt temp, ha H. acceptà il 1503 la nominaziun da Paul Ziegler sco administratur (confermà dal papa il 1505). H. è alura sa retratg a Strassburg, nua ch'el è stà custodi dal chapitel catedral dal 1511-19, mantegnend dentant ses titel d'uvestg da Cuira. 


Litteratura:
HS I/1, 492 s.; I/2, 820; Gatz, Bischöfe 1448, 294 s.

Veronika Feller-Vest

lemma precedents HerrnhuteransHewen, Heinrich von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :