Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Hitz, LeoHofmeister, Sebastian lemma sequent

Hoek, Henry
* 17-3-1878 a Tavau, † 20-11-1951 a Vaduz, cat., Ollandais e Tudestg, a partir dal 1939 da Tavau. Figl dad Isaac Hermann Jakob, banchier, e da Mary n. Bulkley, Irlandaisa. ∞ 1) M. n. Kaltenbach, 2) 1920 Elisabeth n. Harth. Gimnasi ed, a partir dal 1896, studi da geologia a Friburg e.Br., promoziun 1903. Publicaziuns davart l'intschess da la Plessur, viadi geologic en l'America dal Sid 1904-05. Piunier da skis sin il champ teoretic e pratic: campiun da skis da la Germania 1902, primascensiun d'enviern e cun skis dal Finsteraarhorn, Mönch, Dammastock, Strahlhorn e Wetterhorn. Il 1908 ha H. publitgà l'emprim guid da skis dal mund («Skifahrten im südlichen Schwarzwald»), alura manuals davart l'ir cun skis per las regiuns da Tavau-Parsenn e da Planiras/Lai sco era guids da viandar per la regiun da Tavau, l'Engiadina e Zermatt. Suenter l'Emprima Guerra mundiala ha il "scuvrider sportiv da Tavau" publitgà numerusas ovras (tematicas, litteraras, liricas) surtut davart il sport e las muntognas. Il 1934 ha H. translocà a Tavau, il 1949 a Vaduz. 
 


Litteratura:
M. Pfister, Davoser Persönlichkeiten, 1981, 58 s.

Andrea Weibel

lemma precedents Hitz, LeoHofmeister, Sebastian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :