Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Hosang, Johann PeterHotellaria lemma sequent

Hössli, Philipp
* 15-10-1800 a Novagnas, † 21-6-1854 a Cuira, ref., da Novagnas e Glion. Figl da Johann Jakob, podestat a Tegl, ustier ed a ses temp persunalitad impurtanta dal Valragn, e dad Anna n. Lorez, da Valragn. ∞ Agathe n. de Caprez, figlia da Jacob, chau-lia a Glion. Scolazun a l'Institut a Porta a Ftan ed a la Scola chant. a Cuira. Studi da giurisprudenza a Berlin e Göttingen 1821-24. Stretga relaziun cun ses magister Friedrich Carl von Savigny ed enconuschientscha cun Bettina von Arnim ch'č daventada sia amia. Return en Valragn ch'ha delegā el il 1825 en il Cussegl grond. Suenter in onn a Cuira č H. sa domiciliā il 1827 a Glion, nua ch'el č sa natiralisā per augmentar sias schanzas da far carriera en la LG. Sper l'activitad da giurist e da pur ha H. occupā emprims uffizis en la citad da Glion ed en la LG. Il 1828 č el daventā comm. da la Dretgira d'appellaziun superiura, il 1832 da la cumissiun dal Cussegl grond. Il 1836 ha el puspč translocā a Cuira, nua ch'el č stā fin il 1845 directur da la Chanzlia chantunala. Il 1841 č el stā mess a la Dieta confed., il 1845 cumissari fed. per garantir la pasch publica ed il 1847 comm. da la cumissiun d'intermediaziun dal Grischun, installada durant la Guerra da la Lia separatista. Il 1834 ed il 1846 č el stā comm. da la Regenza, il 1847 pres. dal Cussegl grond. H. č sa profilā o.t. sco mediatur lib. discret e sco administratur effizient da la Chanzlia chant. grischuna. El ha contribuė a l'elavuraziun da la lescha penala dal 1851 ed a l'organisaziun da la scola dal 1853. Sin fundament da ses interess istorics ha el procurā sco chancelier per l'ordinaziun e la cumplettaziun da l'archiv dal stadi.


Litteratura:
Bedeutende Bündner 2, 1-7; B. von Arnim, Ist Dir bange vor meiner Liebe? Briefe an Philipp H., nebst dessen Gegenbriefen und Tagebuchnotizen, edė da K. Wanner, 1996; K. Wanner, Philipp H. oder die Sehnsucht nach der Aussicht auf dem Gipfel des Berges, 2000; F. Caviezel, 200 Jahre Bündner Kanzleidirektoren, en: BJb, 2003, 125 s. (cun purtret).

Jürg Simonett

lemma precedents Hosang, Johann PeterHotellaria lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :