Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Huonder, Gion AntoniHuonder, Giusep lemma sequent

Huonder, Gion Giusep
* 9-9-1878 a Paris, † 22-1-1935 a Samedan, cat., da Sumvitg. Figl da Lorenz e dad Anna Maria n. Degonda. ∞ Anna n. Kratzer. Creschì si tar Mihel Maissen a Rabius. Figliol da Caspar Decurtins, cun il qual el era parentà. Collegi da S. Mitgel e Scola chant. a Zug 1894-99, alura studi d'inschigner forestal a la SPF a Turitg, diplomà il 1902. Inspectur forestal d'Appenzell Dadens 1904-10, alura selvicultur dals cirquits da la Cadi e da Rueun fin il 1927. Confundatur da la Fabrica da ponn a Trun, nua ch'el era domicilià. Il 1913 ha el reorganisà l'Uniun da traffic Surselva ch'el ha presidià dal 1914 fin il 1920. Pres. dal comité d'organisaziun per la Festa centenara da la LG a Trun 1924. Cuss. guvernativ cons.-dem. dal Grischun 1927-35 (pres. 1935), schef dal Dep. da construcziun e selvicultura, promotur energic d'ina rait da vias moderna. Cuss. dals chantuns 1930-35. Comm. da l'uniun studentica Turicia da Turitg.


Litteratura:
Gas. Rom., 25-1-1935; Bü. Kal., 1936; Metz, Graubünden 3, 175 (cun fotogr.).

Adolf Collenberg

lemma precedents Huonder, Gion AntoniHuonder, Giusep lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: