Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BelfortBellaluna lemma sequent

Belfort
Signuradi, pli tard cumin (vischn. giudiziala) e dapi il 1851 cirq. dal Gischun, situà sin la spunda dretga da la Val d'Alvra centrala e da la Val da la Landwasser inferiura. Il chastè da B. a l'ost da Brinzauls, menz. il 1222, è stà en il 13. tsch. la sedia dals baruns de Vaz, ses fundaturs, signurs territorials da Brinzauls, da Surava e parzialmain da Lantsch. En il 14. e 15. tsch. è la regiun da Ferrera e Tain, oriundamain in intschess d'alp d'Alvagni, vegnida colonisada a partir da Tavau da Gualsers da lingua tudestga. Dal 1338-1436 han ils conts de Toggenburg possess il signuradi da B. Suenter la mort da Friedrich VII è B. s'unì il 1436, sco cumin, a la LDD nov fundada per evitar in fracziunament da l'ierta. Il 1477 è B. passà l'emprim als signurs de Montfort, alura als de Matsch e finalmain a l'Austria. La giurisdicziun bassa appartegneva al chastellan da B. Ina communitad da servs ecclesiastics (Gotteshausleute) da Lantsch, Surava e Brinzauls, vischnancas situadas en il center dal signuradi, furmava l'uschen. Quart exteriur da la dretgira da Bravuogn (u Greifenstein), quai ch'ha provocà savens dispitas davart lur dretgs ed obligaziuns. Sulettamain la vischnanca da Tain ha adoptà la cretta refurmada. Il 1613 è il cumin da B. vegn dividì en duas mesas dretgiras: B. Dadora, da lingua rum.,
cun ils vischinadis da Brinzauls, Lantsch e Surava, e B. Dadens, da lingua rum. e tud., cun Alvagni, Ferrera e Tain. Entant che B. Dadora aveva da proponer al prefect trais candidats per l'elecziun dal mastral, era B. Dadens sa segirada definitivamain la giurisdicziun bassa. Ils davos dretgs austr. èn vegnids cumprads ora il 1652. A la dretgira auta da B., in circundari administrativ per la repartiziun dals uffizis, appartegnevan ils cumins da B. e da Curvalda. Il 1851 è il cumin da B. (senza Tain, assegnà en il fratemp al cirquit da Bravuogn), maioritarmain da lingua tud. (1990 30% da lingua rum.), annectà al cirquit da B. en il district d'Alvra, entant che quel da Curvalda (cun Prada) è vegnì attribuì al cirquit cun il medem num en il district da la Plessur.


Litteratura:
Gillardon, Zehngerichtenbund; K. Egli, Die Landschaft B. im mittleren Albulatal, 1978; Simmen, Wappen, 312, 330-34.

Jürg Simonett

lemma precedents BelfortBellaluna lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :