Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Iter, DonatItinerarium Antonini lemma sequent

Iter, Lucius
† 4-12-1549 a Cuira, da Cuira. Figl da Hans, burgamester da Cuira. Frar da Donat. Il 1509 è I. s'immatriculà a Cologna, nua ch'el ha acquistà il magister philosophiae. Canoni 1506, custodi 1507 e prevost dal chapitel catedral da Cuira 1537. I. è restà a Cuira era suenter il cumenzament da la Refurmaziun e la fugia da l'uv. Paul Ziegler. Il 1541 è el vegnì elegì uvestg da Cuira. El ha renconuschì la capitulaziun electorala da la LCD (Sis Artitgels) ch'ha accordà a quest'ultima facticamain il dretg da participar a la gestiun da la diocesa e garantì qua tras a quella ina cuntinuitad rudimentara. Il 1542 è suandada la conferma tras il papa ed il 1545 la consecraziun episcopala. Il 1544 ha I. signà cun auters il patg renovà da las Trais Lias. Il 1546 è el vegnì nominà nunzi cum potestate legati a latere per il Grischun e la Confederaziun. I. ha pudì pacifitgar las relaziuns a l'intern da l'uvestgieu, el ha dentant stuì acceptar il progress da la Refurmaziun en las Trais Lias.


Litteratura:
HS I/1, 494 s.; Gatz, Bischöfe 1448, 332 s.

Pierre Surchat

lemma precedents Iter, DonatItinerarium Antonini lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :