Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Albertini, Christoph vonAlbertini, Jacob von lemma sequent

Albertini, Jacob Ulrich von
 * 11-11-1667, † 5-8-1726 a Luzein, ref., da La Punt-Chamues-ch e Luzein. Figl da Jacob, giurist e diplomat, e da Maria, ina savrina. ∞ 1) Margreth n. Wietzel, figlia da Jann, landamma, da Zuoz, 2) Margreth Catharina n. Sprecher von Bernegg, vaiva da Florian, guvernatur. Cun 19 onns entrada en servetsch spagn., chapitani 1688, colonel dal regiment grischun 1695, brigadier, guvernatur militar da la citad da Lodi 1704. Suenter sia demissiun il 1707 è A. turnà en il Grischun, nua ch'el ha surpiglià sporadicamain funcziuns militaras. Sia carriera politica ha inizià en la LDD sco chau-lia il 1708. Deputà da la LDD en la dretgira nauscha da Glion 1711 (cunter Thomas Massner), podestat a Tiraun 1719-21 e guvernatur en Vuclina 1721-23. Mess a Milaun per la ratificaziun dal Segund Capitulat da Milaun 1725-26. La splendida carriera militara dad A. ha garantì definitivamain il progress da la fam. en il stretg ravugl da l'aristocrazia grischuna. Sco praticamain unic ertavel da ses bab, ch'ha gì 17 uffants, ha A. avert a sia fam. l'access al servetsch mercenar sco era als pli auts uffizis en Vuclina ed ha schlargià il circul da maridaglia sur ils cunfins da l'Engiadina ora. A. è stà in dals militars e politichers ils pli influents da ses temp.



Litteratura:
J. Mathieu, Die Herren der Brücke, en: JHGG, 1988, 65-115.

Jürg Simonett

lemma precedents Albertini, Christoph vonAlbertini, Jacob von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :