Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jecklin, DietrichJecklin, Heinrich lemma sequent

Jecklin, Fritz (von Hohenrealta)
* 9-7-1863 (Friedrich Anton) a Cuira, † 30-7-1927 a Cuira, ref., da Cuira, Roten e La Punt-Chamues-ch. Figl da Constanz, commerziant, pur e cuss. da la citad da Cuira, e da Julia Friederike Maria n. von Salis, da Cuira. Frar da Constanz e mez frar da Dietrich, biadi dad Andreas von Salis. ∞ 1900 Carolina (Lina) n. Kuoni, da Cuira e Gianin. Scolas a Cuira, emprendissadi d'apotecher a Berna e Basilea. Activ en il lavuratori chemic-farmaceutic ad Ancona (Marche). Studi d'istorgia a l'Univ. da Turitg. Conservatur al Museum retic 1891-1927, archivar da la citad da Cuira 1893-1919 e dal chantun Grischun 1919-27. Autur da numerusas ovras da funtaunas. Sia reproducziun exacta da doc. originals o.t. dal temp medieval curretic, provedids cun registers cumplessivs, han facilità essenzialmain l'evaluaziun da las funtaunas a la perscrutaziun istorica. Sias «Materialien zur Standes- und Landesgeschichte Gem. III Bünde (Graubünden) 1464-1803» (1907-09) è in'ovra da consultaziun cun caracter da piunier; ella cuntegna numerus regests e texts da las dietas e dals pitags da las Trais Lias e p.p. era correspundenzas politicas cun lieus confederads. Ils urbaris, ils cudeschs da tschains e las annalas da claustras, baselgias e vischnancas grischunas, edidas da J., concernevan Curvalda, S. Nicolai e S. Martin a Cuira, Maiavilla, Tumein, l'Engiadina Bassa, las Otg Dretgiras da la LDD, l'ospizi da S. Peder al Pass dal Set e Fadrein. In punct culminant en l'activitad da l'istoriograf J. è stada sia participaziun a la commemoraziun da la Chalavaina il 1899. El ha reelavurà, ens. cun ses frar Constanz, l'istorgia da la Guerra svabaisa a la front orientala e preschentà quella en in'optica p.g.p. anc oz valaivla. Da quests studis è resultada la publicaziun festiva «Calvenfeier 1499-1799-1899» che cumpiglia ina part da texts ed ina collecziun da funtaunas. Per sias prestaziuns istoricas ha J. obtegnì il 1911 il dr.h.c. da l'Univ. da Turitg. Pres. en uffizi d'onur da la SIAG e comm. da la suprastanza 1922-27, alura pres. da la pravenda evang. da Cuira; pres. dal Chor viril da Cuira 1908-14.


Litteratura:
F. Pieth, Staatsarchivar Dr. Fritz J., en: JHGG, 1927, 3-18 (cun reg. d'ovras); R. Jenny, Das Staatsarchiv Graubünden in landesgeschichtlicher Schau, 1974², 424-32.

Martin Bundi

lemma precedents Jecklin, DietrichJecklin, Heinrich lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :