e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bellinchetti, Francesco Belmont  Belmont Ruina da chastè en il guaud a l'ost da Fidaz (vischn. da Flem) en vischinanza da la Val Turnighel, situada sin in grip aut siador sur la via per Trin. Il num B. è prob. ina translaziun dal tud. Schönenberg. Al vest dal chastè sa chattan terrassas artifizialas che laschan supponer edifizis agriculs. L'areal dal chastè cumpigliava plirs edifizis d'abitar, ina tur, ina cisterna cun filter ed in mir da tschinta. Restanzas d'ina liadira picturada renvieschan al 11. tsch. tardiv. Il 1137/39 è attestà in Lutefridus de B. Il chastè da B. era prob. abità surtut en il 12.-14. tschientaner. Il 1380 è attestà mo pli in lieu fortifitgà. Il chastè è vegnì destruì prob. ensemen cun quel da Schiedberg-Sagogn en la famusa Faida da B. (Battaglia da Porclas 1352) tr. ils baruns de B. ed ils signurs de Werdenberg-Heiligenberg.     Litteratura: Clavadetscher/Meyer, Burgenbuch, 184 s.; J. L. Muraro, Die Freiherren von B., en: Geschichte und Kultur Churrätiens, edì dad U. Brunold, L. Deplazes, 1986, 271-309. Martin Bundi  Bellinchetti, Francesco Belmont  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: