Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bellinchetti, FrancescoBelmont lemma sequent

Belmont
Ruina da chastè en il guaud a l'ost da Fidaz (vischn. da Flem) en vischinanza da la Val Turnighel, situada sin in grip aut siador sur la via per Trin. Il num B. è prob. ina translaziun dal tud. Schönenberg. Al vest dal chastè sa chattan terrassas artifizialas che laschan supponer edifizis agriculs. L'areal dal chastè cumpigliava plirs edifizis d'abitar, ina tur, ina cisterna cun filter ed in mir da tschinta. Restanzas d'ina liadira picturada renvieschan al 11. tsch. tardiv. Il 1137/39 è attestà in Lutefridus de B. Il chastè da B. era prob. abità surtut en il 12.-14. tschientaner. Il 1380 è attestà mo pli in lieu fortifitgà. Il chastè è vegnì destruì prob. ensemen cun quel da Schiedberg-Sagogn en la famusa Faida da B. (Battaglia da Porclas 1352) tr. ils baruns de B. ed ils signurs de Werdenberg-Heiligenberg.

 

 


Litteratura:
Clavadetscher/Meyer, Burgenbuch, 184 s.; J. L. Muraro, Die Freiherren von B., en: Geschichte und Kultur Churrätiens, edì dad U. Brunold, L. Deplazes, 1986, 271-309.

Martin Bundi

lemma precedents Bellinchetti, FrancescoBelmont lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: