Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jenny, JosiasJens, Ina lemma sequent

Jenny, Rudolf
* 14-9-1909 a Cuira, † 22-11-2007 a Cuira, ref., da Cuira e Prada. Figl da Johann, viturin da chavals da posta, e dad Emma n. Zellweger, dad Au/SG. ∞ 1946 Julia n. Ragaz, da Tumein. Seminari scolastic a Cuira, alura trais onns scolast a Grub/AR. Studis da geografia, istorgia ed economia publica a Turitg. 1939 e diplom per l'instrucziun superiura. Suenter in studi da teologia a Roma è el vegnì recepì en la Sinoda grischuna 1942. Archivar dal chantun Grischun 1944-75 (en successiun da Paul Gillardon). J. ha transfurmà quest archiv dad in manaschi d'ina persuna en in'instituziun scientifica moderna cun ca. 150 publicaziuns d'archivaziun (regests, registers, collecziuns, istorgia da l'archiv) e davart l'istorgia dal Grischun; menziun spez. meritan l'istorgia dals pass e dal transit sco era l'ediziun scientifica da Johann Andreas von Sprecher, «Kulturgeschichte der Drei Bünde im 18. Jahrhundert» (1951, 20064). Premi grischun da cultura 1977.


Litteratura:
BZ, 29-12-1975; Rapp. annual 2007 da l'ASGR, 2008, 27-29.

Adolf Collenberg

lemma precedents Jenny, JosiasJens, Ina lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: