Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents JörgenbergJörger, Johann Joseph lemma sequent

Jörger, Johann Benedikt
* 16-8-1886 a Faveras, † 2-3-1957 a Cuira, cat., da Val. Figl da Johann Joseph, frar da Maria Paulina. Nubil. Gimnasi a Cuira, stud.med. a Basilea, Firenza e Turitg, scolaziun al psichiater, dr.med. 1915 (dissertaziun davart associaziuns per alcoholichers). Activitad en las clinicas Rheinau e Burghölzli a Turitg, a partir dal 1918 en la clinica Waldhaus a Cuira (directur 1930-46 en successiun da ses bab). Directur interimistic da la clinica St. Pirminsberg a Faveras 1947-50. Numerusas publicaziuns davart la psichiatria. Autur da dus gieus da Nadal (1919, 1929) e d'ina dunsaina burlescas, cumedias e paraulas per teaters privats e d'amaturs, scrittas per part en il dialect da Cuira. Criticher d'art. Promotur da la protecziun da la natira e da la patria (18 onns pres. da l'organisaziun grischuna respectiva). Sco etnolog ha J. participà  activamain al moviment per ils costums svizzers, ha laschà edir ils models cun pitg da crusch grischuns ed ha collavurà a la concepziun dal cortegi istoric a Trun (1924) e da quel da l'Exposiziun naz. a Turitg (1939). Sia collecziun da baus cun 50'000 exemplars (2'000 spezias, da quellas 500 novas per il Grischun) è conservada a l'Univ. da Basilea.


Litteratura:
BT, 9-3-1957; JNGG, 87/1957/58, XIII-XXII (cun bibliogr. e fotogr.).

Adolf Collenberg

lemma precedents JörgenbergJörger, Johann Joseph lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :