Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jörimann, PaulJost, Christian lemma sequent

Jost, Aloys
* 21-11-1759 (Georg Aloys) a Zezras, † 9-3-1827 a Zezras, cat., da Zezras, recepì en il dretg da burgais helvetic il sett. 1798. Figl da Georg Josty e dad Eufrasia n. Andergassen. ∞ 1) Maria Josefa Crescentia n. de Funkner, 2) Catharina n. Banzer, guvernanta en chasa da J. Litinent en la cumpagnia da la guardia roiala franz. dal barun Heinrich von Salis-Zizers. Elegì landfoct dal Signuradi per il 1789-91, in uffizi ch'el n'ha dentant mai occupà. Il 1797 ha J. fatg part dal stab general da l'armada revoluziunara da la Frantscha dal Sid. Administratur dal Signuradi da Rehanau e directur dal convict dal Seminari 1793-95, alura commerziant a Zezras. J. ha giugà ina rolla centrala en l'assamblea extraordinaria da las Trais Lias dal 1794 ed a la Dieta dal 1797. El è s'opponì a l'egemonia dals Salis ed ha sustegnì l'emancipaziun da las Terras subditas e l'adesiun dal Grischun a la Confederaziun. Durant l'occupaziun austr. (a partir da l'oct. 1798) è J. fugì duas giadas en l'exil a Männedorf/ZH. Sut la Helvetica è el stà cumissari da la Regenza en ils chantuns da Blinzuna e Ligiaun (1799). Il 1800 è el vegnì delegà dal cussegl da prefectura dal Grischun a Lunéville (Lorena), nua ch'el ha scuntrà Napoleun. Confundatur dals Patriots dal Grischun e represchentant principal da l'ala giacubina. Numnà Aloys J. von St. Jörgen resp. St. Georg.
 


Litteratura:
A. Rufer, Aloys J. - ein Bündner Patriot, en: FR, 1959, nrs 291 e 297; P. Düggeli, Die Bündner Patrioten 1787-1793, lic. Friburg, 1999, 119-21.

Jürg Simonett

lemma precedents Jörimann, PaulJost, Christian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: