Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Josty, JohannJuf lemma sequent

Jud, Jakob
* 12-1-1882 a Wängi/TG, † 15-6-1952 a Seelisberg/UR, ref., da Zumikon/ZH e Scuol (burgais d'onur). Figl da Jakob, commerziant, e da Wilhelmine n. Hess. ∞ Anna Maria Elisabeth n. Hunziker. Studi da romanistica a Turitg, Paris e Firenza. Prof. da filologia, linguistica e litteratura franz. medievala a l'Univ. da Turitg 1922-50. En sias lavurs da perscrutaziun è el s'occupà - ultra dal svilup da las linguas e da lur differenziaziun geografica - o.t. da la relaziun tr. lingua e cultura, tr. pleds e chaussas.
En sia perspectiva globala da las linguas rom. ha J. privilegià ils spazis galloromans, tal. e rum., resguardond en spez. il rumantsch dal Grischun. El ha participà a la fundaziun dal DRG ed ha contribuì sco comm. da la cumissiun filologica (1914-52), actuar (1915-31) e pres. (1932-52) decisivamain al svilup da quest'ovra; el ha era tgirà numerusas lavurs da doctorat davart la lingua rum., daventadas en il fratemp classichers da questa disciplina. Envers ils irrendentists tal. che pretendevan ch'il rum. dal Grischun saja in dialect tal., ha J. empruvà da defender l'autonomia da questa lingua cun agid d'arguments linguistics. Sin il champ da la filologia rom. resta il «Sprach- und Sachatlas Italiens und der Südschweiz» (1928-40), ch'el ha elavurà cun Karl Jaberg, senza dubi sia contribuziun la pli duraivla.


Ovras:
Romanische Sprachgeschichte und Sprachgeographie, edì da K. Huber, G. Ineichen, 1973.

Litteratura:
Jakob J., en: Romanische Sprachgeschichte und Sprachgeographie, edì da K. Huber, G. Ineichen, 1973, 7-11; A. Kristol, Jakob J., en: Les linguistes suisses et la variation linguistique, edì da J. Wüest, 1997, 125-36.

Ricarda Liver

lemma precedents Josty, JohannJuf lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :