e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Juon, Paul Juon, Theodor Friedrich  Juon, Paul [Pavel] * 8-3-1872 a Moscau, † 21-8-1940 a Vevey, ref., da Masagn. Figl da Theodor Friedrich. Frar dad Eduard e da Konstantin Fjodorovitsch. ∞ 1) Katharina n. Schachlova, 2) Armande n. Günthert, vaiva Hegner. J. è creschì si a Moscau en la gronda burgaisia bainstanta e passiunada d'art. Suenter studis da musica a Moscau e Berlin, nua ch'el ha obtegnì il 1896 il Premi Mendelssohn, ed activitads sin il champ da la pedagogia musicala a Baku, è el sa transferì il 1897 a Berlin, nua ch'el ha instruì sco docent da cumposiziun ed a partir dal 1911 sco professer da musica. Il 1919 è el daventà comm. e pli tard senatur da l'Academia prussiana dals arts ch'ha undrà el il 1929 cun il Premi Beethoven. Il 1934 è J. sa domicilià a Vevey, nua ch'el è sa deditgà exclusivamain a la cumposiziun. Sia ovra, influenzada da Tschaikovsky e Brahms ed enragischada en il postromanticissem tud., ha purtà ad el il num dad il "Brahms russ". Ses relasch cumpiglia tocs da musica per orchester, quartets e trios, sonatas per instruments ad artget ed a flad, tocs per clavazin e chanzuns (en tut 99 opus, numerusas registradas sin disc cumpact). La musica da chombra constituescha la part essenziala da sia ovra d'art. Il 1901 ha el edì ina «Praktische Harmonielehre», il 1920 in «Handbuch für Harmonie» fitg remartgà ed il 1929 ina «Anleitung zum Modulieren». J. ha translatà dal russ trais ovras davart la musica. Archiv: BCUL, relasch. Litteratura: Bühler, Bündner im Russischen Reich, 356-58; J.-L. Matthey, T. Badrutt, Paul J., 1997 (cun reg. d'ovras); T. Badrutt, Paul J., 1998 (cun reg. d'ovras). Roman Bühler  Juon, Paul Juon, Theodor Friedrich  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: