e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Juon, Paul [Pavel] Jürada  Juon, Theodor Friedrich * 28-12-1842 a Goldingen (Curlanda, oz Kuldiga, Lettonia), † 7-4-1912 a Moscau, ref., da Masagn. Figl da Simon e da Wilhelmine Basorgia n. Blahse. ∞ Emilie n. Gottwalt, originara da l'Irlanda. Descendent d'ina fam. da pastiziers da Masagn, è J. arrivà a Moscau il 1866, suenter in emprendissadi mercantil a Riga ed a Schweinfurt (Franconia) ed in temp da giarsunadi. El ha lavurà durant quasi 50 onns en il servetsch da l'assicuranza da fieu da Moscau. Sin via autodidactica è el daventà vicedirectur ed il 1887 directur da l'Assicuranza Rossija cun sedia en la Lubjanka. En reconuschientscha da sia lavur, da ses uffizis d'onur a Moscau e da sias activitads en div. societads ha J. survegnì il dretg da burgais d'onur da la Russia ed ulteriuras distincziuns. Sia appartegnientscha a la burgaisia cultivada russa-tud. ha permess a ses figls Paul, Eduard e Konstantin Fjodorovitsch d'acceder a l'elita artistica e tecnica da la Russia. Litteratura: E. Juon, Einiges über den Ursprung des Graubündner Geschlechts der "J.", sowie über unsere nächsten Vorfahren [...], 1925; E. Juon, Stammbaum des Maseiner Zweiges des Graubündner Geschlechts J., 1930; Bühler, Bündner im Russischen Reich, 316 s. Roman Bühler  Juon, Paul [Pavel] Jürada  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: