Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents LandquartLandquart Sura lemma sequent

Landquart
Fracziun da la vischn. polit. d'Eigias, situada en la Val dal Rain da Cuira a l'entrada en il Partenz. L. consista da L. e da L. Fabricas. Dal 1582-1830 existiva a L. mo ina chasa da duana.  Las lavurs da correcziun dal Rain e da la L. èn vegnidas terminadas il 1847. L'abitadi da L. è sa sviluppà enturn la staziun da L. Au da la lingia da S. Gagl-Cuira, construida da las Viafiers svizras unidas il 1858. Il 1860 è vegnida averta ina vaidraria, pauc pli tard intgins hotels ed il 1863 a L. Fabricas l'emprima fabrica da cellulosa en Svizra (transfurmada en ina fabrica da palpiri il 1874 ). Alura èn suandadas ulteriuras industrias (cellulosa, maschinas, chartun, launa sintetica, zulprins ed ina fundaria) ch'han dentant existì p.p. mo pauc temp. Ina nova fasa da svilup è vegnida iniziada cun l'avertura da la lingia L.-Tavau (1889) e cun la realisaziun da las ufficinas e dals magazins da la VR (1896). L. è daventà in impurtant punct central ferroviar tr. la Val dal Rain ed il Partenz ed in center industrial che attira numerus pendularis (2003 3'533 emploiads, 382 lieus da lavur). Il svilup demografic ha effectuà la construcziun da la baselgia cat. da S. Fidelis, consecrada il 1908 e pastorada antruras da chaputschins. La plaiv da L., fundada il 1934, cumpiglia era il vicariat cun sedia a Malans, responsabel per la pastoraziun cat. en il Signuradi. Il 1926 è vegnida construida la baselgia refurmada. Ina funcziun da center regiunal ha L. surpiglià cun l'avertura da div. scolas (scola agricula Plantahof 1896, scola industriala e professiunala 1903) e da la Chasa d'attempads e da tgira Neugut (1897, renovada ed engrondida il 1987-88). Il center da congress com. Forum im Ried è vegnì avert a L. Fabricas il 1991.


Litteratura:
R. Hartmann, Streifzug in Wort und Bild durch die Geschichte von Igis-L., 1996; R. Hartmann, Orts- und Flurnamen von Igis-L., 1998.

Adolf Collenberg

lemma precedents LandquartLandquart Sura lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: