Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents LadinLadir lemma sequent

Ladinia
Secziun academica da l'UdG, seduta da fundaziun sin iniziativa dad Eduard Bezzola il sett. 1929 a Zuoz, approvaziun dals emprims statuts il sett. 1930 a Zernez. La Ladinia cumpiglia las sutsecziuns dals students lad. a Curia ed a las universitads svizras, l'uschen. Ladinia dals vegls (oz Cumünanza ladina). Ella è comm. da la Societad svizra da studentas e students. Ses intent principal è l'engaschament per la lingua e cultura rum. e sias activitads principalas cumpiglian l'organisaziun da champs da students, inscunters e scolaziun e la publicaziun d'in agen organ. Dal 1930-47 ha la Ladinia edì il «Sain Pitschen» (quatter ediz. l'onn) ed il 1932 il cudeschet da chanzuns rum. «Fluors». A partir dal 1964 è cumparì «Il Corv», l'emprim sco periodica autonoma, dapi il 1965 ens. cun la «Talina» (organ da la secziun studentica da la Romania) e dal 1981-85 la «Prouva, giazettina da la Ladinia» (10 ediz. l'onn). Dapi il 1993 è la Ladinia affiliada a la Giuventetgna Rumantscha.  


Litteratura:
Statüts da la L., en: Chal. ladin, 1931, 97 s.; 1941, 93-96.

Gian Peder Gregori

lemma precedents LadinLadir lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :