e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lechner, Ernst Leggia  Legendas La plipart da las legendas appartegna oriundamain a la tradiziun orala. Ellas èn parentadas ina cun l'autra en quel senn ch'ellas èn liadas ad ina persuna ed ad in lieu d'acziun. Ellas palaisan la vita dals martirs e sontgs e vulan porscher qua tras al lectur u auditur exempels d'ina vita d'engrà a Dieu. La litteratura rum. cuntegna impurtantas rimnadas da legendas, savens translaziuns, p.ex. «La glisch sin il candelier invidada» (1685-87) da Zacharias da Salò, il «Martyrologium magnum oder: Il Cudesch grand dels martyrs» (1718) da Conradin Riola ed il «Legendari u vita dils soings» (1830-45) da Christian Venzin, e quai per tut ils dis chalendars (en diever fin ca. il 1950). En l'Engiadina ha Luigi Piderman translatà ed edì il 1929 las «Legendas e parevlas ladinas da las Dolomitas». Litteratura: Deplazes, Funtaunas 1 e 2. Gion Deplazes  Lechner, Ernst Leggia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: