Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Kaiser, JakobKaiser, Josef Anton Andreas lemma sequent

Kaiser, Johann Placidus Friedrich
* 6-11-1823 a Cuira, † 16-12-1899 a Cuira, cat., da Gams/SG, vischin d'onur da Cuira (1884) e Mustér. Figl da Josef Anton Andreas. Nubil. Gimnasi a Cuira, stud.med. a Bonn e Heidelberg, promoziun a Heidelberg 1847, segiurns da studi a Prag, Vienna e Paris. A partir dal 1849 pratica da medi a Cuira e Faveras, a partir dal 1853, en successiun da ses bab, era a l'hotel Hof Ragaz. Comm. dal cussegl da sanitad 1854-90 (pres. a partir dal 1866) e dal cussegl d'educaziun 1854-63 e 1874-94 (pres. 1859-63 e 1880-94), delegā en il cussegl grond da Cuira 1874-99. Medi fitg stimā e politicher profilā, engaschā particularmain en favur da la sanitad publica e da l'educaziun. Il 1892 ha K. participā, ens. cun Paul Lorenz ed Eduard Killias, a la creaziun da la clinica psichiatrica Waldhaus a Cuira (pres. da la cumissiun da controlla), l'emprim institut psichiatric dal Grischun, al qual el ha fatg ina gronda donaziun (100'000 frs, ulteriurs 10'000 frs en in fond auxiliar per dements). Pres. e comm. d'onur da l'Uniun grischuna da medis 1858-63 e 1866-88. Propagatur da la gimnastica per mattas. Confundatur dal Museum retic a Cuira e durant decennis vicepres. e pres. da la Societad grischuna per la perscrutaziun da la natira. Pres. da la Societad d'utilitad publica 1866-83.  Passiunā da filologia classica. Traductur da litteratura medicinala da l'Antica (Hippocrates, Nikandros e.a.). K. aveva testamentā sia ritga biblioteca privata (var 1'000 toms, oz integrada en la Biblioteca chant.), ultra da 30'000 frs, a la Scola chant. grischuna.


Archiv:
ASGR.

Litteratura:
F. Pieth, Dr. med. Johann Friedrich K. (1823-1899), en: BM, 1949, 365-78; Äskulap in Graubünden; N. Markoff-Gräflin, Dr. med. Johann Plazidus Friederich K., 1984.

Johannes Gartmann

lemma precedents Kaiser, JakobKaiser, Josef Anton Andreas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :