Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Kaiser, Johann Placidus FriedrichKaiser, Peter lemma sequent

Kaiser, Josef Anton Andreas
* 27-7-1792 a Gams/SG, † 19-2-1853 a Cuira, cat., da Gams . Figl da Johannes e da Cathrina n. Schöb. ∞ Maria Anna n. Oberli, da Mels/SG. Numnà mintgantant era Johann Anton. Nova scola superiura a S. Gagl, stud.med. a Friburg e.Br. e Vienna a partir dal 1811. Promoziun a Landshut (Baviera) 1816 (doctorat davart la medischina populara). Suenter avair pratitgà per in curt temp a Gams, è K. vegnì numnà medi da la claustra e dal bogn termal tras l'avat da Faveras. Il 1818 ha el prendì domicil a Cuira, nua ch'el ha avert ina pratica da medi cun activitads era a Faveras ed a l'hotel Hof Ragaz. El ha inizià in stabiliment termal caritativ en la chavorgia da la Tamina ed è stà il veritabel promotur dal lieu da cura da Ragaz Bogn. Il medi da bogns e generalist fitg apprezià ha publitgà numerus tractats balneologics, tr.a. ina survista generala da las funtaunas d'aua forta en il Grischun e singuls studis davart Tarasp, S. Murezzan ed auters lieus da cura. Confundatur da la secziun grischuna da la Societad svizra da las scienzas natiralas (actuar e correspundent 1825-51), comm. dal cussegl da sanitad dal Grischun 1827-53 (pres. a partir dal 1848) e da la cumissiun pauperila a partir dal 1839 (pres. 1845-48). Sco comm. dal cussegl d'educaziun ha el skizzà l'organisaziun per las scolas popularas grischunas. Burgais d'onur dal chantun Grischun (1825) e da Mustér (1830).


Archiv:
ASGR, reg. dals vischins da Gams.

Litteratura:
BM, 1853, 59-63.

Johannes Gartmann

lemma precedents Kaiser, Johann Placidus FriedrichKaiser, Peter lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: