e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lardelli, Albert Lardelli, Fernando  Lardelli, Elisabeth * 21-2-1921 a Berna, † 9-3-2008 a Cuira, ref., da Poschiavo. Figlia dad Eduard von Waldkirch. ∞ Albert L., advocat, figl dad Albert. Gimnasi a Berna, studis da dretg a Berna 1941-47, patenta d'advocata dal chantun da Berna. Suenter esser sa domiciliada a Cuira, ha L. obtegnì il 1950 sco emprima dunna la patenta d'advocata dal Grischun. Comm. dal Cussegl grond 1973-79 (PPS), cussegliera naz. 1974-75 en substituziun da Leon Schlumpf, elegì en il Cussegl dals chantuns. Pres. centrala da l'Associaziun svizra da las  academicras. Manadra dal servetsch d'infurmaziun giuridic da la Centrala da dunnas dal Grischun 1955-85 (suprastanta da quella dapi il 1968). L. è s'engaschada per il dretg da vuschar da las dunnas, per l'egualitad dals dretgs da las dunnas sco era per il nov dretg da l'uffant ed il dretg matrimonial.   Litteratura: BZ, 26-9-1985; Fraubünden 1, 84 s.; U. Jecklin, "In einer intakten Familie geht der Mann stimmen", en: JHGG, 2004, 3-7; SO, 12-3-2008. Ursus Brunold  Lardelli, Albert Lardelli, Fernando  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: