e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lendi, Emilie Leonhardi, Georg  Lentulus, Scipio * nov. 1525, † 1599, da Napel. Figl da Cesare. Dr.teol. a Vaniescha 1549. Pader carmelit, convertì al protestantissem il 1555 ed impraschunà da l'Inquisiziun a Roma; fugia a Genevra 1559. Preditgant a Sunder-Monte (Mossini) 1566-68, recepì en la Sinoda retica 1568 e reverenda a Clavenna 1568-97. L. ha occupà durant 30 onns quest uffizi a la front refurmatorica, ed igl è reussì ad el d'unir la communitad dividida en numerus "spierts libers". Sin sia proposta ha la Dieta scumandà il domicil a quellas persunas che renegavan la «Confessiun retica». En sia scrittira intitulada «Responsio orthodoxa pro edicto trium foederum Rhaetiae adversus haereticos promulgato», publitgada il 1592 a Genevra, ha el prendì posiziun envers las cuntraversas religiusas. Sia ovra principala «Historia delle grandi e crudeli persecutioni contro il popolo Valdese» è vegnida edida pir il 1906 da Teofil von Gay a Torre Pellice (Piemunt), in center da valdens. Litteratura: Truog, Evangelische Pfarrer, 1935, 268; Camenisch, Reformation und Gegenreformation, 31. Martin Bundi  Lendi, Emilie Leonhardi, Georg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: