e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Leonhardi, Johann Christian
* 1651 a Filisur, † 18-12-1725 a Preaz, ref., da Filisur. Numnà era Linard [Lienard] Jan Cristian. Stud.teol. e fil. a Basilea 1673, ordinà e recepì en la Sinoda retica il 1674. Reverenda a Filisur, Tschiertscha, Novagnas, Termin e Preaz 1679-1725. Publicist cunter ils servetschs mercenars en Frantscha en sias scrittiras «Theologischer treugemeinter Püntnerischer Aufwecker» (1689) e «Christliches Kriegsbüchlein» (1694). Reverenda en il 1. regiment grischun activ en l'Ollanda il 1693. Il 1703 è L. sa stentà d'obtegnair per incumbensa da la Sinoda retica la favur da la curuna englaisa per la libertad da cretta en Vuclina. A Londra ha el publitgà il 1704 sia «Brevis Descriptio Liberae [...] Rhaetiae Republicae», ed a chaschun da sia segunda missiun ha el laschà stampar il 1711 ses «Account of the Grisons», ina descripziun da la Republica da las Trais Lias. Autur da numerusas scrittiras da tempra religiusa e politica, redigidas en lingua rumantscha. Iniziant da la Sentenzia da Malans dal 1700.
Archiv:
ASGR, ms. privat A 92 («Schgrischusas abominatiuns [...] dellas indiavledas e schmaledidas Pratchias», 1692).
Ovras:
BR, nrs 3197-3204.
Litteratura:
Truog, Evangelische Pfarrer, 1934, 77 (cun reg. d'ovras); M. Bundi, Bündner Kriegsdienste in Holland um 1700, 1972; BBKL 19, 887-91; T. Maissen, "Die Gemeinden und das Volck als höchste Gewalt unsers freyen democratischen Stands", en: JHGG, 2001, 52-64.
Martin Bundi
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Leonhardi, Georg